انا تعبان واسهرت اكثير من التفكير في الحبيب

أنا تعبان .. وسهرت كتير

وعايز آكل من عند أي محل فطير

مش عارف نمرته

وبسأل أمي فين الدليل

ردت وقالت ..

إتصل ب ميه واحد و أربعين "141"

وبتصل .. وردت عليه مزه حلوه

قلتلها أيوه يا جميل

متعرفيش مين عندنا بيبيع فطير

حسيت إني بايخ .. وب سؤالي بقيت ظريف

لحقت نفسي ..

طب سيبك إنت

إنت عامله إيه !!

ردت وقالت مين يا خفيف ؟!!

..

أنا الحب مش بتاعي .. ولا الحشيش كمان

والشوق ده مالي قلبي .. ودايخ عليه من زمان

..

قلتلها .. يا حبي ما تيجي أعزمك على أحلى عشا في التاريخ

قلتلي ومالوا ..

بس إنت يعني منين ؟

..

قلتلها في مدينة الحب ساكن .. وفي كل شارع فيها ليه مساكن

وقلبي متعلق على كل سور .. وصورتي ماليه قلوب الطيور


بس فعلا حاسس إننا تعبان .. مطلوب في كل حته فيها

وسهري مخليني دايخ عليها !!

قالتلي هي مين .. قلتلها إنت مالك !!!

ورحت قافل !

,,

ولسه تعبان .. ومخي بيلف في ذكريات غريبه ..

من و أنا صغير .. لما كنت بحب في بنت الجيران

ولما كبرت .. كرهت بنت الجيران .. لإن إبن خالها مكنش بيحب الفطير !!

و أول مره لعبت بلايستاشن .. كان يوم فزيع

عايزها تبقي خاضره ..... الارض اللي في الصحرا

أكدب عليكم أيوه انا الي نفسي أعيش أحلى يومين

ما انا ياما قلبي كتير بكى .. ياما إشتكى

مين حس بنار الي فيه ؟؟






كل الطريق بيني وبين حبيبي ..

طريق طويل بحر كله دوامات

طريق طويل وكل جرح أقوى من الي فات ..

والباقي من صراعي .. مع أيامي حبي و الزمن

وكل ده نمله واحده صغيره من جيش نمل الذكريات



وكل واحد يسألني إنت إزيك ..

على طول بقول ..

الحمدلله بخير

وبصراحه أنا زعلان .. ومش عارف مالي !!

يمكن بهيس .. ويمكن حزين

مبقاش يفرق كتير

جرح صغير .. كبير

وبكره مش رايح البحر .. مش عشان كله دوامات

بس عشان ..

بكره رايح جمعية الرساله .. عشان في حوار لذيذ

وبعده هخرج مع واحد صاحبي هنروح البسين







وبعد بكره هنام شويه ..لإني دايخ .. و بقالي سهران كتير !!